Iha Dia 03 Abril 2025, Gabinete Etika Deontologika no Garantia Qualidade (GEDGQ) realiza staff meeting iha sala enkontru GEDGQ Servisu sentrais (2do pisso) Kaikoli,Dili. Staff meeting mensiona lidera husi Diretora Geral GEDGQ dr. Gejarina E.G. Fernandes,MsC. no partisipa husi Xefes departementus ( Departementu SSA, SEAP no QC) no staf sira hotu iha GEDGQ. Iha staf meeting ne’e, koalia sobre atividades ne’ebe halao ona mak hanesan Sorumutuk konsultasaun Planu Estratejiku CAR 2025-2029, Formasaun ekipa GEDGQ nian iha Smile Group Jogjakarta Indonesia. Aleinde ne’e, Xefe Departementu SSA up date mos situasaun orsamentu GEDGQ nian ba quarter primeru iha tinan 2025.
Staf meeting ne’e deskute mos kona ba Planu ba oin ne’ebe presija halao iha Quarter segundo mak hanesan oinsa kontinuasaun programa hadiak Kualidade Kontinua iha nivel fasilidade sira, aselera prosesu desenvolvimentu dokumentu Planu estratejiku CAR 2025-2029, aproximasaun ba parseiru desenvolvimentu sira hodi kontinua apoiu atividades GEDGQ no kontinuasaun husi atividades ne’ebe ekipa aprende ona durante simu formasaun iha Smile Group Jogjakarta Indonesia ba iha nivel fasilidades sira. Entretantu iha staf meeting ne’e, Diretora Geral GEDGQ dr. Gejarina E.G. Fernandes,MsC. kontinua sublinha kona ba desafius sira ne’ebe GEDGQ enfrenta, mesmu nune’e diretora nafatin enkoraja xefes no staf sira hotu atu kontinua apoiu malu hodi lori GEDGQ lao diak liu ba oin tuir kompetensias ne’ebe iha. Staf meeting ne’e hetan partisipasaun maximu tebes husi xefes no staf sira hotu iha GEDGQ.
