Domíniu ba Melloramentu Kualidade (MK) iha Timor-Leste
Domíniu 4 : Mellora prátika klínika
Mellora prátika klinka involve kriteriu lubun inklui diagnostiku apropriadu, liu husi ezame klíniku akuradu husi ekipa profisional kompetente no investigasaun laboratoriu. Aleimde ne’e, administrasaun ba pasiente apropriadu tuir diretriz inklui ninia enkamiñamentu krusial tebes. Disponibildade matadalan ba iha pratrika klíniku sai hanesan pre-rekezitu esensial atu garante prátika klíniku nebe’e diak iha fasilidade saúde. Kapasitasaun kona-ba prosesu xaves tuir matadalan esensial atu garante kumprimentu padraun servisu klíniku.
Auditoria klíniku/óbitu: Atividade prioritária ba melloramentu kualidade rekere auditoria regular ba melloramentu kontinua iha atendimentu kuidadu pasiente no hetan rezultadu uza padraun. Klaramente katak, tenki halo investigasaun kle’an kona ba rezultadu klíniku nebe’e la expera atu hatene nia razaun. Realizasaun auditoria klínika no óbitu regular sei garante atu kazu nebe’e la-espera labele repete. Auditoria nebe’e bem konduzida sei fo kompriensaun nebe’e diak ba iha situasaun ejistente no sei ajuda atu halo dezenvolvimentu ba adaptasaun polítika ba melloramentu iha tempu nebe’e mai. Nesesariu tebes atu involve profisional sira hotu iha prosesu auditoria hodi bele iha kompriensaun komun, em vez de, simboliza ida ne’e hanesan fallansa ne’ebé akontese. Jestaun rekere kompromete atu resolve problema nebe’e mak hetan husi rezultadu audite ninian.
