Domíniu ba Melloramentu Kualidade (MK) iha Timor-Leste
Domíniu 2; Asisténsia sentrada ba iha pasiente
Pasiente nia isperensia ba atendimentu sai hanesan área ne’ebe importante liu atu konstroe kualidade kultura melloramentu iha pakote prestasaun servisu saúde nian. Dezeña fasilidade saúde ho abordajen pasiente nudar sentru ba asisténsia, sei hatan lolós pasiente nia nesesidade, ho nune’e sei fo rezultadu saúde diak liu. Pasiente sira tenki partisipa prosesu MK ne’ebe akontese iha fasilidade no ativamente dezempeña kn’ar hodi fo resposta (feedback) kona ba sira nia isperiensia iha atendimentu. Ida ne’e sei fortalese komunidade nune’e mós pasiente atu bele envolve sira nia an iha prosesu prestasaun ba kuidadu saúde nian no dezenvolve kompriensaun mútua ho profisionais saúde nune’e mellora rezultadu pozitivu ba kualidade kuidadus saúde.
To’o ohin loron, abordajen barak mak komesa hala’o ona ba iha atendimentu sentradu ba pasiente. Abordajen importante hanesan diseminasaun ba pasiente no direitu no responsabilidade profisionais saúde, estabelese fatin hato’o reklamasaun iha fasilidade saúde, introdusaun kaixa ba sujestaun no feedback ba iha pasiente nia isperiensia kona ba kuidadu saúde sai hanesan ezemplu balu. Ekipa fasilidade saúde MK mós sei hola parte iha peskiza ba satifasaun pasiente nian atu bele mellora tan sira nia servisu tuir ba pasiente nia feedback.
