Iha data 28 Abril 2023, Ministerio da Saúde liu husi Gabinete Garantia Qualidade Saúderealiza workshop Regional Plano Estrategico Nasional Melloramentu Kualidade Saúde Timor-Leste 2020-2024, iha munisipiu Aileu. Objetivu ho Vizaun: Aselera progresu ba diresaun Kobertura Universal Saúde liu husi atividade sira-ne‟ebé fokus ba iha melloramentu kualidade inklui fornese esperiénsia di‟ak liu ba konsumidor liu husi pakote servisu ne’ebé seguru, efikásia, asesível, ekuitável no sustentável. Ho Misaun, Kria ambiente ida-ne’ebé permite prestasaun servisu di‟ak liu fokus ba iha melloramentu kualidade liu husi haboot-hadi‟ak lideransa no hadi‟ak kapasidade sistema saúde ho objetivu ba esperiénsia kuidadus saúde di‟ak liu hotu ba konsumidór sira.Partisipa iha Workshop, reprezentante Administrador do Munisipio, Diretor husi Meio Ambiente, Lideres Komunitariu Aileu, Padre Paroquia husi Aileu, Reprezentante husi PNTL Munisipio Aileu, no mos Diretores Servisu Munisipal Saude husi Aileu, Ainaro, Manufahi no Covalima ho Chefe Sentru da Saúde sira hotu husi Aileu, Ainaro, Covalima no Manufahi. Remata iha atividade diseminasaun hala’o mos atividade, hanesan kria ekipa melloramentu kualidade ba kada fasilidade saude dirige chefe sentru saude sira, aprezenta plano asaun, husi providores da saude sira, husi Servisu Munisipal de Saude no Sentru Saude hotu-hotu.
