Iha data 24-25 Agostu 2023, Ministerio da Saúde- liu husi Gabinete Garantia Qualidade iha Saúderealiza workshop Regional Diseminasaun Plano Estrategico Nasional Melloramentu Kualidade Saúde Timor-Leste 2020-2024, iha munisipiu Baucau. Objetivu ho Vizaun: Aselera progresu ba diresaun Kobertura Universal Saúde liu husi atividade sira-ne’ebé fokus ba iha melloramentu kualidade inklui fornese esperiénsia di’ak liu ba konsumidor liu husi pakote servisu ne’ebé seguru, efikásia, asesível, ekuitável no sustentável. Ho Misaun, Kria ambiente ida-ne’ebé permite prestasaun servisu di’ak liu fokus ba iha melloramentu kualidade liu husi haboot-hadi’ak lideransa no hadi’ak kapasidade sistema saúde ho objetivu ba esperiénsia kuidadus saúde di’ak liu hotu ba konsumidór sira.
Vise Ministro saude Operasionalizasaun hospitais Dr. Flavio Brandão halo enseramentu ba Workshop Regional Diseminasaun Plano Estrategico Nacional Melloramentu Kualidade Saúde Timor Leste 2020-2024. Vise ministro hateten IX Governo konstituisional inisiu kedas ho pontu importante ne’ebe sai preokupasaun ba povu nian wainhira koalia kona-ba kualidade Saude.
“HAU FIAR IHA INISIU GOVERNU DASIA IDA NEE ITA HOTU TENKE APOSTA ONA KUALIDADE ASISTENSIA, KUALIDADE PRESTASAUN KUALIDADE HANOIN, KUALIDADE HALO JESTAUN BA FINANSIAL IDA NE’E MAK ITA MAK PRESIJA MUDA ONA IHA TEMPO BADAK MOS ITA HANOIN ONA OINSA SERVISU PALIATIVU HO KUALIDADE SERVISU SUPORTIVU”
VMOH hateten “ba oin kualidade sei sai duni lisaun atu fo serteza ba sidadaun no fo fila fali konfiansa nee ba pesoal saude sira, la signifika ita la halo buat ida iha durante nee, ita halo buat barak ona ita mos atinji buat barak ona maybe ita hotu konsiente katak tempu ida ho faze ida no ninia nesesidade la hanesan”.
Partisipa iha Workshop, Vise Ministro saude Operasionalizasaun hospitais, Diretora Nasional Logistika Administrasaun no Patrimonio, Diretor Nasional Apoiu Servisu Hospitalar, Administrador do postu Administrativu Vemase, Venilale, no Quelicai, Segundo Comandante PNTL Munisipio Baucau, no mos Diretores Servisu Munisipal Saude husi Baucau, Manatuto, Lautem no Viqueque ho Chefe Sentru da Saúde sira hotu husi Baucau, Manatuto, Lautem no Viqueque. Remata iha atividade diseminasaun hala’o mos atividade, hanesan kria ekipa melloramentu kualidade ba kada fasilidade saude dirige chefe sentru saude sira, aprezenta plano asaun, husi partisipante director Servisu Munisipal de Saude no chefe Sentru Saude hotu-hotu.
