Iha data 17-18 Agostu 2023, Ministerio da Saúde- liu husi Gabinete Garantia Qualidade iha Saúderealiza workshop Regional Diseminasaun Plano Estrategico Nasional Melloramentu Kualidade Saúde Timor-Leste 2020-2024, iha munisipiu Bobonaro. Objetivu ho Vizaun: Aselera progresu ba diresaun Kobertura Universal Saúde liu husi atividade sira-ne‟ebé fokus ba iha melloramentu kualidade inklui fornese esperiénsia di‟ak liu ba konsumidor liu husi pakote servisu ne’ebé seguru, efikásia, asesível, ekuitável no sustentável. Ho Misaun, Kria ambiente ida-ne’ebé permite prestasaun servisu di‟ak liu fokus ba iha melloramentu kualidade liu husi haboot-hadi‟ak lideransa no hadi‟ak kapasidade sistema saúde ho objetivu ba esperiénsia kuidadus saúde di‟ak liu hotu ba konsumidór sira.
Partisipa iha Workshop, Sekretario Administrador do Munisipio Bobonaro, no Administrador do postu Administrativu Cailaco, Maliana, No Lolotoe, Segundo Comandante PNTL Munisipio Bobonaro, no mos Diretores Servisu Munisipal Saude husi Bobonaro, Liquiça no Ermera ho Chefe Sentru da Saúde sira hotu husi Bobonaro, Liquiça no Ermera. Remata iha atividade diseminasaun hala’o mos atividade, hanesan kria ekipa melloramentu kualidade ba kada fasilidade saude dirige chefe sentru saude sira, aprezenta plano asaun, husi partisipante director Servisu Munisipal de Saude no chefe Sentru Saude hotu-hotu.
