Iha data, 27 Jullu 2023 – Gabinete Garantia Qualidade Saude, hala’o enkontru ho Banco mundial hodi halo aprezentasaun proposta kona-ba apoiu ba Sistema Centro Atendementu Reklamasoens (CAR) iha GGQS, Lala;ok Sistema Hotline CAR liga ho atende ba reklamasaun sira komunidade, pesoal saúde, Sentru saúde sira, Servisu Munisipal, Hospitais Regionais no Referencias inklui Hospital Nasional Guido Valadares, kona-ba servisu atendementu profisionais iha Fasilidade saúde sira, reklamasaun hirak ne;e hato’o liu husi meios sira hanesan, Kaixa Sujestaun, hato’o Karta reklamasaun direita, Mensagem, email, no mos liu husi Telefone, ate oinsa mak fó rezolusaun ba problema relevante hodi hetan solusaun. Iha enkontru refere ko’alia mos kona-ba apoiu sira ne’ebe mak sei banco Mundial suporta tan kapasitasaun rekursu humanu liu husi sei hala’o workshop no orientasaun, apoiu ba transporte, meios komunikasaun sira no ekipamentu elektronico sira. Atu nune’e bele kobre ba munisipiu sanulu resin haat 14 durante periodu tinan 2023 to’o 2028. Durante enkontru refere akompanha direita mos virtual meenting ho tecnico husi World Bank. Partisipa iha enkontru refere Diretor Banco Mundial Timor-Leste nian Sr. Mausaco no chefe Departamentu Servisu Etika Asuntu do Profisionais, Sekretariado GGQS, Responsavel Chefe Dept. Servisu Estandarizasaun no Akreditasaun, Ofisial CAR no mos Asesora Teknika Gabinete. Remata
