Domíniu ba Melloramentu Kualidade (MK) iha Timor-Leste
Domíniu 1 : Lideransa no governasaun ba kualidade
Lideransa sai hanesan domíniu prinsipal nebe’e foka liu ba oinsa atu lidera ka lori ema iha grupu ida nia laran, ba iha metas kualidade liu husi governasaun efetivu, planu kona-ba kualidade, jestaun kualidade, kontrola kualidade. Lideransa promove estrutura, prosesu, disponibilidade ba padraun hodi presta servisus saúde ho kualidade. Nune’e mós, lideransa sei fasilita koordenasaun nesesária liu husi komprensaun nebe’e diak, prátika disiplina entre membru sira inklui jerente sira, no kuadru profisionais saúde hotu-hotu iha plataforma prosesu partilla aprendizajen.
Ministeriu saúde, Timor-Leste sei orienta jerente relevante no profisionais saúde sira ne’ebe mak sei fo apoiu ba inisiativa instituisionalizasaun MK iha nasaun tomak. Grupu profisionais saúde ida ne’e sei performa hanesan lider MK, ne’ebe mak, iha koñesimentu ba intervensaun MK nian ba implementasaun no sei suporta estabelese kultura organizasional ba iha prátika MK nian. Lider hirak ne’e, sei subsekuentemente orienta no hola parte iha kapasidade konstroe ekipa MK nasional no sub-nasional.
Lider hirak ne’e sei garante monitorizasaun no sei sai hanesan mentor ba prosesu MK liu husi reforsu supervizaun klíniku no monitorizasaun. Ajentes hirak ne’e kapasitadu ona iha instrumentu avaliasaun ba kualidade no sei hola parte iha prosesu supervizaun no mentoria nian. Sira sei estabelese kultura kontinuasaun ba Melloramentu Kualidade (MK), kria kondisaun servisu atu hasa’e MK iha Timor-Leste.
