Gabinete Garantia Qualidade Saúde (GGQS) Hala’o supervizaun ba implementasaun programa Hadia Kualidade Kontinua (Continuos Quality Improvement) iha Sentru Saude, Munisipiu Ermera. Ekipa halo Supervizaun ida ne’e liu husi Gabinete Garantia Qualidade Saude (GGQS) hodi hare direita ba iha implementasaun HKK iha CHC sira depois de orientasaun HKK ne’ebe hala’o ona ba Chefe CHC hotu no membru sira iha Munisipiu Ermera. Total CHC iha Munisipiu Ermera hamutuk 7 mak hanesan (CHC Ermera Vila, CHC Gleno, CHC Railaco, CHC Atsabe CHC Letefoho, CHC Hatolia A, CHC (Guisarudu “Hatolia B”) ne’ebe simu ona orientasaun ba implementasaun programa HKK iha sira nia fasilidade rasik.
