Konstituisaun RDTL artigu 57, deskreve prestasaun saúde hanesan direitu fundamental sidadaun hotu nian, universal, efektivu, no gratuita.
Polítika Nasionál ba Kualidade no Seguransa Kuidadu Saúde nu’udar kompromisu Governu nian atu fornese servisu kuidadu saúde ho kualidade-aas ne’ebé seguru no asesivél ba kada sidadaun iha Timor-Leste. Polítika ne’e mos subliña intervensaun estratéjiku ho Meta iha realizasaun nia vizaun konaba Timor-Leste saudável no seguru liu liu husi adopta prinsípiu fundamentál sira konaba transparénsia, Responsabilidade no kuidadu sentralizadu ba pasiente.
Atu hatan ba prinsipiu fundamental sira iha leten, Gabinete Étika Deontolójika no Garantia Kualidade (GEDGK), presiza rekursus humanus neébe kompetente no iha kapasidade atu kontinua promove melhoramentu kualidade pretasaun saúde neébe fokus liu ba pasiente. Prestasaun saúde neébe ho kualidade maximu sei hasae nivel satisfasaun tantu husi profissionais saúde nomos pasiente ou kliente sira.
Ho ida neé, iha tinan 2025, Gabinete Étika Deontolójika no Garantia Kualidade (GEDGK) halao kooperasaun ho SMILE GROUP Jogjakarta-Indonesia hodi haruka profissionais saúde sira iha gabinete refere hodi atende treinamentu iha area melhoramentu kualidade prestasaun saúde. treinamentu ne’e, halao durante loron 5 iha Smile Group/Jogjakarta-Indonesia, hahu husi dia 18 to’o dia 22 Marsu 2025. iha sesaun sira durante treinamentu, ekipa GEDGQ visita mos hospital publiku 2 mak hanesan Rumah Sakit Umum Daerah (RSUD) Bantul no RSUD Sleman. Iha visita ba hospital rua mensiona, ekipa hare direta mekanismu sira kontrolu kualidade nian, mekanismu melloramentu kualidade kontinua iha hospital 2 refere. Jestores husi RSUD Bantul no RSUD Sleman apresia ho visita nee’ebe ekipa GEDGQ halao ba sira nia fatin. Ekipa GEDGQ kompostu husi Diretora Geral GEDGQ, Xefe Departementu Servisu Standarizasaun no Akreditasaun, Xefe Departementu Kontrolu Kualidade, Xefe Departementu Etika no asuntus profesional, tekniku profesionais no tekniku superior iha GEDGQ. Ekipa GEDGQ iha komitmentu bo’ot atu kontinua habelar no kria mekanismu sira melloramentu kualidade nian ne’ebe diak liu tuir kontekstu Timor Leste ninian nune’e bele kontinua mellora prestasaun servisu saude diak liu ba oin.
