Iha data 16-17 Novembro 2023, Ministerio da Saúde- liu husi Gabinete Ética Deontolgica e Garantia Qualidaderealiza workshop Diseminasaun Plano Estrategico Nasional Melloramentu Kualidade Saúde Timor-Leste 2020-2024, iha RAEOA. Objetivu ho Vizaun: Aselera progresu ba diresaun Kobertura Universal Saúde liu husi atividade sira-ne’ebé fokus ba iha melloramentu kualidade inklui fornese esperiénsia di’ak liu ba konsumidor liu husi pakote servisu ne’ebé seguru, efikásia, asesível, ekuitável no sustentável. Ho Misaun, Kria ambiente ida-ne’ebé permite prestasaun servisu di’ak liu fokus ba iha melloramentu kualidade liu husi ha boot-hadi’ak lideransa no hadi’ak kapasidade sistema saúde ho objetivu ba esperiénsia kuidadus saúde di’ak liu hotu ba konsumidór sira.
Sekretario Regional de Saúde- RAEOA S.E. Manuel Da Costa halo Abertura ba Workshop Regional Diseminasaun Plano Estrategico Nacional Melloramentu Kualidade Saúde Timor Leste 2020-2024. Akompanha husi Diretora SSROA no Diretora GEDGQ dr.Gejarina E.G. Da S. Fernandes, Msc.
Partisipa iha Workshop, Sekretario Regional de Saúde- RAEOA S.E. Manuel Da Costa, Diretora Servisu Saude Regional Oecusse Ambeno- SSROA Sra. Lolita Lay dos Santos, ho Chefe Programatico SSROA no Chefe Sentru saude sira hotu, inklui Gestor Postu Nitibe, no Gestor Postu Administrador Passabe, Xefe OPS PNTL RAEOA. Remata iha atividade diseminasaun hala’o mos atividade, hanesan kria ekipa melloramentu kualidade ba kada fasilidade saude dirige chefe sentru saude sira, aprezenta plano asaun, husi partisipante director Servisu de Saude Regional Oecusse Ambeno no chefe Sentru Saude hotu-hotu.
