Iha data 3 junho 2022, Ministerio da Saúde ho apoiu husi Organizasaun Mundial Saúde hamutuk selebra eventu loron mundial fase liman iha munisipiu Covalima – Suai. Eventu Selebrasaun ne’e ho tema kuidadu saude iha “Klima no kultura Qualidade no seguransa” ne’ebe valoriza ijiene liman ho prevensaun no kontrolu infesaun.
Iha eventu hanesan, hahu ho marsa saudavel hahu husi monumentu Setembru Negro lao ba salaun administrasaun munisipal, iha eventu ne’e organiza mós ho kompetisaun ba poster husi ospital referal sira no sentru saúde komunitária husi Covalima. Ospital regional RAEOA mak sai manan na’in ba kompetisaun refere.
Partisipa iha eventu refere, Reprezentante Ministra da Saúde Diretur Geral Servisu Koorporativu, Diretur Geral Prestasaun Servisu interino, reprezentante sira husi Diretores Nasionais, Hospital Referensia lima, HNGV, Servisu Saude Munisipal hotu ho nia pontu fokal Kontrolu Qualidade, Profesionais Saude iha Mun isipiu Covalima, Lideres Komunitariu iha Covalima, Estudantes Secundario no Universitariu, nune’e mos Representante OMS iha Timor-Leste.
