Centro CAR foun ne’e lokaliza iha edifisio tuan MS Servisus Sentrais, iha Caicoli, Dili.Objetivo hosi Cenro CAR atu fasilita komunidade no utentes saúde nian atu hato’o keixa ka reklamasaun sira senti no haburas sentimentu komunidade konaba asistensia saúde iha Timor-Leste hodi nune’e bele hadiak diak liu tan assistensia Saúde ba Timoroan hotu-hotu.Vise Ministru esplika katak, “Ohin hau halo inagurasaun ba Centro de Atendimento das Reclamações atu estabelese kanal ida ba komunidade tomak nomos ba instutuisaun Governo hotu-hotu, tgamba fatin ne’e hanesan fatin atu bele hato’o reklamasaun saúde konaba asistensia da saúde ne’ebe mak fo’o ba ema hotu-hotu iha Timor-Leste.”“Kanal ida ne’e mosu tamba sentimentu atu haburas saúde ba komunidade sira ne’ebe to’o ohin loron sei koalia nafatin konaba kualidade assistensia da saúde ne’ebe mak professionais sira fo iha fatin hotu-hotu. No kanal ne’e mos hanesan fatin ida ne’be simu aspirasaun no hanoin hotu hosi komunidadede,” haktuir tan Vise Ministro. Komunidade no utentes servisus saúde bele hato’o sira nia keixa ka reklamasoens ba CAR, bele liu hosi dere ba telephone ka manda mensagem SMS ba numero +670 3310435, ka email ba: saudereklamasoens18@gmail.com ka bele hakat diretamente ba iha Centro CAR iha MS, oras atendimentu publiku hosi 08:00 dader to 17:30 loraik.MS
