Domíniu ba Melloramentu Kualidade (MK) iha Timor-Leste
Domíniu 7: Sukat/medisaun ba kualidade
Inisiativu MK rekere avaliasaun (sukat) rutina nebe’e seriu, hodi bele hare tuir nafatin progresu no melloramentu ba iha fornesimentu asisténsia nebe’e mak presija. Liu husi rekollamentu dadus ho kualidade diak kona-ba prátika MK, bele identifika área saúde nebe’e mak dezempeña ladiak. Tamba ne’e, krusial tebes atu dezenvolve prosesu avaliasaun (sukat) no instrument iha intervesaun MK no prátika ho tekniku nebe’e solidu atu uza ho intelijensia informasaun sira. Importante mós atu labele hatodan ba profisional sira ho volume adisional rekolla dadus. Nune’e mós, planu nebe’e diak sei fo influensia ba iha mudansa pozitivu iha área melloramentu ne’ebé krítikal. Iha sistema avaliasaun (sukat) indikador performa ba kualidade melloramentu ne’e, sai hanesan nesesidade krusial. Ministeriu Saúde sei inkorpora indikadores sira iha fasilidade supervizaun suportiva no sei dezenvolve sistema monitorizasaun no mentorizasaun regularmente. Sira mós sei orienta fasilidade ekipa MK no dezenvolve sira nia kualifikasaun liu-liu iha área fasilidade auto-avaliasaun hodi nune’e sira rasik bele hala’o monitorizasaun periodikamente ba sira nia atividade rasik. Iha sistema atu sukat idikador xave ba dezempeñu melloramentu kualidade nudar nesesidade krusial. MS sei inkorpora indikadores ba MK iha instrumentu suportivu no mentoring ho baze regular. Sira mós sei matadalan ekipa MK fasilidade saúde no dezenvolve sira kapasidade iha instrumentu analize kona-ba sel-assessmentu atu periodikamente monitoriza sira nia atividade rasik. Sei iha indikador dezenpeñu xave balun iha nível nasional nebe’e sei bele monitoriza.
