Domíniu ba Melloramentu Kualidade (MK) iha Timor-Leste
Domain 5 : Profisional sira nia envolvimentu
Profisional Saúde sira sai hanesan rekursu krítikal ba garante kualidade servisu saúde. Profisionais saúde nebe’e motivadu ho moral a’as sei bele kontribui ba melloramentu rezultadu no mós ba experensia ba pasiente diak liu. Dala barak, bainhira profisional sira hasoru difikuldaes oin-oin iha fatin servisu. Profisional saúde kompetente sira baihira hetan apresiasaun no valoriza sira, sei kontribui nível kuidadu saúde a’as ba pasiente. Profisional saúde sira iha obrigasaun atu halo tuir kódigu etika nian, ou se la’e, sei kontinua enfrenta problema legal no etika durante hala’o prátika. Profisional nebe’e la’o tuir kódigu etika durante prátika klíniku sei fo valor adisional ba servisu no seluk tan. Kódigu etika no padraun prátika iha profisaun kuidadu saúde diretamente relasiona ba iha lisensa no sertifikasaun. Kona-ba melloramentu rezultadu saúde, profisional saúde tenki la’o tuir kódigu etika no padraun prátika nian atu bele julga situasaun nebe’e enfrentadu no bele foti medidas lolós.
