Domíniu ba Melloramentu Kualidade (MK) iha Timor-Leste
Domíniu 3: Seguransa pasiente
Pasiente nia seguransa sai hanesan komponente importante ba iha estrutura servisu kualidade, no bele garante seguransa prestasaun servisu saúde no minimiza risku. Kria prátika kultura ba seguransa pasiente iha konfigurasaun área saúde, sei sai hanesan nesesidade ba dala uluk instalasaun asisténsia medika ninian. Lider sira iha dever atu orienta no dezenvolve kultura ne’ebé fo kondisaun konfortavel ba pasiente. Krusial tebes atu dezenvolve padraun nasional seguransa ba pasiente, nafatin monitoriza hodi avalia akontesimentu iha prátika kuidadu nebe’e la seguru ka eventu adverse no dezenvolve intervensaun nebe’e bele reduz eventu hirak ne’e.
Seguransa pasiente mak parte integral husi kualidade kuidadus servisu no inklui inisiativa ne’ebé dezeña atu reduz frakasu kuidadus médiku ne’ebé lori kuidadu saúde sai seguru. Seguransa pasiente mós sai hanesan indikador importante ida iha kualidade servisu. Aleimde ne’e, seguransa pasiente sei hadiak jestaun atu evita mate no kanek deznesesariu. Ninia objetivu mak, atu hasa’e konsiensia kona-ba seguransa pasiente, estabelese padraun nasional ba seguransa pasiente, sistema monitorizasaun no dokumentasaun eventu nebe’e la seguru no introduz intervensaun hodi bele kontinua reduz insidensia eventu durante hala’o planu refere.
